Sunday, September 29, 2013

ආදරය නිරුවත් කලෙමි.. 32


     
  හිතුණා  ලියන්න ආදරය  ගැන ,,,,,,,,,ආදරේ
කියන්නේ අම්මෝ මට හිතා ගන්න බැරිතරම් ලොකු මාතෘකාවක්.. ලෝකේ කෝටි ගණන් ගීත ,චිත්‍රපට,නවකථා තියෙනවා ආදරය ගැන මව් ගුණ ගීතයක් ගත්තත් ,,දේශාභිමානී ගීතයක් ගත්තත් ,,සොබාදහම ගැන ලියවෙච්ච ගීතයක් ගත්තත් ඒ හැමදෙයක් පිටුපසම තියෙන්නේ ආදරයක් ,බැදීමක් ,,,,,,,,,,,,,,,මට අද හිතුනේ මේ සියළු ආකාර ප්‍රේමයන් අතරින් අපි ගැහැණුන් සහ පිරිමින් විදියට ලේ බැදීමකින් තොරව ඇතිවෙන ආදරේ ගැන ලව් එක ගැන ලියන්න 



"ඔබට ආදරේ කොහොමද දැනෙන්නේ ?" 

"ආදරේ ගැන ඔබේ අදහස මොකක්ද ?" 


ඔය වගේ ප්‍රශ්න වලට සාමන්‍යයෙන් අපි දෙන පිළිතුරු කීපයක් තියෙනවා 


  • .ආදරේ සුන්දරයි 
  • ආදරේ කියන්නේ දුකක් 
  • ආදරේ මායාවක්
  • ආදරේ කියන්නේ කදුලක් 
  • ආදරේ භාවනාවක් වගේ 
  • මට නම් රැවටීමක් 
  • අනේ මන්ද 
  • පරිත්‍යාගයක් 
මේ මං දැකපු අසපු සාමාන්‍ය පිළිතුරු කීපයක් ,,


අහපු ප්‍රශ්නෙට උත්තර ගැළපුනත්,, ආදරේ කියන ඒ විශාල දෙයට අර්ථකථනයක් ඒ එකකවත් නැහැ,, අද දවල් ඇහුවා ලස්සන ගීතයක් අකුරු සතරකින් මනස පැටලිලා,,,,,,,මර්වින් පෙරේරා මහත්මයා ගායනා කරන .ඒක ලියපු කෙනා එයාගේ හැගීම හරි අපූරුවට ලියලා තියෙනවා 



අකුරු සතරකින් මනස පැටලිලා 

වැලිපිල්ලේ ලිය ලියා 
ගලපන්නට බැරිව ලත  වුණා
ආදරයයි අකුරු සතර ඒ 


ආ' යන්නෙන් මා පැතු ආදරේ  

ද 'යනු ගිනිතියලා දව දවා ගින්දරේ 
ර 'යනු රන් බැවින් සවන් යුග වසා 
ය 'යනු කීවේ යන්න ඔබ හැරා


වි' යනු වියෝගේ මැවුවා සිතේ 

වා 'යනු වාවන්නට පෙළඹුවා නිරතුරු 
හ' යනු හසරැළි නගන්නෙම් කියා 
ය' යනු යලි කීවේ එන්න ඔබ කරා 


                                                                     ඔමාට ආදරේ දැනිච්ච හැටි ලියන්නම්කො ඒක ඔබේ හැගුමට වඩා වෙනස් වෙන්න පුළුවන් වගේම මාන්ජමික වෙන්නත් පුළුවන් ,,,


  චූටි කාලේ ආදරේ කරේ පවුලේ අයට ටීචට ,,,ගෙම්බොන්ට , බල්ලොන්ට පුසොන්ට ,පොත්වලට  ,, ඒකනේ අපි ඉස්සර පොත් පවා ඉම්බෙ ආදරෙන් ,,මං ගොඩක් උත්සහ කළා වයස 9 ,10 කාලේ දැනිච්ච ආදරේ විදිය කොහොමද කියලා මතක් කරන්න ඒක නම් බැරි වැඩක් වුණා මතක් කරගෙන ඒ හැගීමෙ රසය විදින්න....තාත්තා එක්ක මට දැනිච්ච ආදරේ තුළ තිබ්බේ මාව පරිස්සම් කරන ,කන්න බොන්න දෙන මං කරන්න ඕනේ නොකරන්න ඕනේ දේ තීරණය කරන මගේ ප්‍රධානියා වගේ හැගීමක්,,,ඒ හැගීම බැදීම ලොකු මහත් වෙද්දී අපි විවිද ආකාර වලින් දකිනවා ..ආදරේ කරනවා ,,,
                                                                      ඒත් ලොකු වෙලා අර නව යොවුන් කියන කාලෙදි අමුතු වෙවුවා එකක් ඇතිවෙනවා කොහෙවත් නැති උපන්තේකට දැකලා නැති කොල්ලෙක් කෙල්ලෙක් වෙනුවෙන් ,,,, ඒ වයසේදී ඇති වෙන ආකර්ෂණය ආදරය නෙමේ කියලා පහු කාලෙක අපි ඉගෙන ගත්ත නිසා ඒ ගැන ලියලා ලිපිය නිකන් මාගලක් කරන්න ඕනේ නැහැ ,,,
                                        ඉගෙනගෙන ඉවරවෙලා ජොබ් එකක් එහෙම කරන කාලෙදි 'සිරා' ලව් කියලා බදින්නම කියලා කරන්න ගන්නවනේ අන්න ඒ වගේ ආදරයක් ඇතුලේ මොනාද තියෙන්නේ ,, හරි පුදුමයි නේද කොහෙවත් හිටපු දෙන්නෙක් දැන් එකිනෙකාගේ අයිතිකාරයෝ වෙලා...ඉස්සර ආදරේට පොත් ඉම්බා වගේ එකිනෙකාව ඉබිනවා කෑවද බීවද හොයලා බලනවා ..එයා ලග දැවටෙන්න ,කටහඩ අහන්න ආශ කරනවා ,, 

                                                   
         
    අවුරුදු විසිගාණක් තිස්සේ කන්න බොන්න දීලා ඉදුම් හිටුම් දීලා හැමදේම කරලා බලාකියාගත්ත අපිව මේ ලෝකෙට ගෙනාපු අම්මා තාත්තට "මං එයාට ආදරෙයි මං කරන්නේ මට ඕනාදේ" , "මගේ ජිවිතේ තීරණ ගන්නේ මම " ,"මං බදින්නේ මට ඕනේ කෙනාව "  "මේ අම්මේ මගේ එවුවට අතදාන්න එපා ඈ "ඔයවගේ දරුණු වචන ලේසියෙන් කියන්න පවා පුළුවන් කරවන මහා පුදුමාකාර දෙයක්  මේ ආදරේ මාත් ඔය වචන වලින් එකක් හරි කියලා ඇති අපේ අම්මට .. 
                                                අනේ ඇත්තට මොකක්ද මේ බලගතු ආදරේ ඒ ගැන නිර්වචනයක් දෙන්න කවුද මේ ඔමා,, මට දැනෙන්නේ මේ අරුම ආදරේ කියන්නේ  බඩගින්න ,වතුර තිබහ , වගේ මේ ඇගට දැනෙන දෙයක් වතුර තිබහ හැදුන වෙලාවට වතුර බිපුවාම මගේ ඇගට හෙන ෆිට් එකක් දැනෙනවා ඒ අවශ්‍යතාව සම්පුර්ණ වුනාට පස්සේ මන් තෘප්තිමත් ,, බඩගින්නටත් එහෙමයි බඩගිනි දැනුනම කන්න ඕනේ,,කෑවට පස්සේ ඒ අවශ්‍යතාවෙන් මන් තෘප්තිමත් ,,ඒ වගේ ගතට දැනෙන හැගීම් අවශ්‍යතා වගේම ආදරෙත් ආත්මයට දැනෙන අවශ්‍යතාවක් කියලා මට හිතෙනවා.. 

 ඒ වගේම ඒක හදවතට දැනෙනවා ,හදවතින් ආදරේ කරනවා කියලත් කට්ටිය කියනවනේ ,,මට නම් මගේ මේ හිත දැනෙන්නේ මගේ ශරීරෙ පුරාම ,,,කොහොම නමුත් මට දැනෙන දේනම් "ආදරය කියන්නේ අළුත් පරම්පරාවක් ඇති කිරීමට නව ජනිතයෝ බිහි කරන පිණිස අහඹු ලෙස ගැහැණියක් හා පිරිමියෙක් ලවා ලිංගික ප්‍රජනන ක්‍රියාව කරවන පිණිස අඩිතාලම දමාගැනීමේ මුලික ක්‍රියාවට කියන නම යි "   ඕක ආස හිතෙන දෙයක් නොවුනොත් ,,O/L , A/L වගේ කළයුතු ඒත් අප්පිරියාවෙන් කරන දෙයක් වගේ වුණොත් අපි නොකරන නිසා වෙන්න ඇති ආදරේ කරද්දී අමුතු මෙවුවා එකක් ,,කිති කැවෙන හැගීමක් ආසාවක් දැනෙන්නේ  ඒක මේ සොබාදහම අපිව රවට්ටලා එයාගේ වැඩේ කරගන්න දෙන ටොපියක් වෙන්න ඇති ,,, 
                                                                                                                 
                      ශිෂ්ඨාචාර වුණාට පස්සේ කසාදේ කියන ලයිසන් එක ගත්තාම ආදරේ කියන මුලික පදනම මත ඉතුරු අවශ්‍ය වැඩ ටික සිද්ධ වෙනවා ..අළුත් පරම්පරාව බිහි වෙනවා ,, ඒත් අනේ අර අම්මා තාත්තා උයලා දෙන එක කාලා පොඩි රස්සාවක් කරගෙන කුරුල්ලා වගේ නිදහසේ ඉන්න තිබ්බ පිරිමි වෙනම ගෙයක් අරන් ,බිරිදට දරුවන්ට කන්න බොන්න අදින්න දීගෙන ඇයි මේ වෙහෙසෙන්නේ ,, ඒත් ඒක බරක් විදියට කවදාවත් නොහිතෙන්නේ ..? දරුවන්ට බිරිදට ආදරේ කරන්නේ ,, මන් හිතන්නේ ඒකත් අර ලව් කරන කාලේ දුන්න ටොෆියට වඩා රසවත් ,සුන්දර රැවටීමක් සොබාදහම ,,මනුෂ්‍යයාට දෙන නිසා කියලා ,, ඒ තුලින් ශරීරයත් ,ආත්මයත් තෘප්තිමත් කරන නිසා කියලා SEX කියන වචනය  එහෙම බලද්දී ආදරය වගේම සරලව කියන්න පුළුවන් වචනයක් මොකද හැම මනුෂ්‍යයටම පොදු නිසා ..(ලියන්න සිතුවේ ආදරය ගැන පමණයි එහෙත් හිතට ගලාගෙන ආපු ටික එහෙම්ම ලියලා දැම්මා )


                                      ඒ මට හිතිච්ච දේ ඒක මේ ලෝකේ ඕනේ කෙනෙක්ට ප්‍රතික්ෂේප කරන්න ,විවේචනය කරන්න ,හෙලාදකින්න පුළුවන් ඔන් ඈ 



කොහොම නමුත් ආදරෙත් හරියට අර අන්ධ මිනිස්සු හත් දෙනෙක් අලියෙක්ව එයාලා අල්ලපු කොටසෙන් දැනිච්ච විදියට නිගමනය කළා වගේ තමයි  අලියාගේ බඩ අල්ලපු කෙනයි නැට්ට අල්ලපු කෙනයි අතර මැවිච්ච රූප දෙක කොච්චර වෙනස්ද,,,නේ  (අන්ධ මිනිසුන් අන්ධ වගේම ගොළු පුද්ගලයන් ලෙස සලකනවා මං නැත්නම් බඩ අල්ලපු කෙනා කියනවනේ  "අම්මෝ ලොකු " කියලා ,,එතකොට වලිගෙ අල්ලපු කෙනා කියනවනේ "මොන පිස්සුද මේ චූටි සතෙක්නෙ කියලා "ඊට පස්සේ අතපත ගාලා අලියා ගැන නිගමනයකට එයි නේ ඒකයි ගොළුයි කීවෙත්  හි හි ) 

                                                                                ඉතින් ඒ වගේ අපිත් අපේ පවුද්ගලික අත්දැකීම මත ආදරය කියන්නේ මේකයි කියලා නිගමනේකට එනවානම් වැරදී... තමන්ගේ ජීවිතේට ආදරේ කරන්න ,, එක පාරක් දෙපාරක් ආදරෙන් පැරදුනාම කඩාවැටෙන්න එපා අපිට හරියටම  සෙට් වෙන ආදරයේ මිහිරියාව දනවන කෙනා වෙනුවෙන් ඉන්න වෙහෙසිලා හරි එයාව හොයාගන්න ..බඩගිනි හැදුනම පාන් කෑල්ලක් වතුරෙන් පොගෝලා ගිල්ලත් බඩ පිරෙනවා ,,ඒත් හිත පිරෙන්නේ නැහැ සතුටක් නැහැ  
                                  ඒ නිසා ආදරේ කියන ඒ මහා තෝරාගැනීම කරද්දී හොදටම හිතන්න මොකද සල්ලි වලින් කෝටිපතියෙක් වුණත් තමන්ගේ ව්‍යාපාර යාන වාහන ඔක්කොම එළියේ දාලා ඇවිත් නිදාගන්නේ ගෙදර,,ඇද උඩ නිදාගන්න කලින් කොට්ටේ ඔළුව තියන් උඩුබැලි අතට අරමුණකින් තොරව වහලය හෝ සිවිලිම දිහා බලලා හොද දිග හුස්මක් අරගෙන සැනසිල්ලේ නිදාගත්ත හැකි සැනසිලිදායක ආදරයක් විදින කෙනෙක්ට _____________________෴  


Saturday, September 21, 2013

ඇයි කාක්කට බැරි ෆයිබර් ග්ලාස් වලින් ගෙයක් හදාගන්න 31

                                                මේකත් මගේ සමර් එකේ අඩ නිරුවත ලිපිය වගේ මනෝ විකාරයක් වෙන්න පුළුවන් ,,,ගහකොළට ,සත්තුන්ට ,තරුවලට ,ඈත විශ්වයට මන් ගොඩක් ආසයි .. ඒවගේ තියන සැගවෙච්චි දේවල් හොයන්න ලස්සන විදින්න ආසයි..පොඩි කාලේ ගෙම්බෝ ,බත් කූරෝ එක්ක සෙල්ලම් කරද්දී මන් විශ්වාස කළා උන්ටත් කතා කරන්න පුළුවන් කියලා ,, ඒ හින්දා මන් ගෙම්බොන්ට නම් පවා දැම්මා ,, "ඇලෙක්ස් ' කිවුවේ  කැතම ,නපුරුම ගෙම්බට,,, "චාර්ලි " මගේ ආරක්ෂකයා  ලොකු ගස් වල කදන් වලට කන තියලා සුරංගනාවියෝ කතා කරනවා ඇහුවා ,,හි හි හරි අද ලියන්නේ මොනාද .....
                               
   සත්තු නිර්මාණශිලිද ?? නැද්ද ??

           මේ ප්‍රශ්නේ දවසක් මන් දහය වසරේදි ගියපු ගණිත පන්තියක සර් කෙනෙක් අපෙන් ඇහුවා ,ඇහුවේ  පන්තිය ඉවරවෙන්න ඔන්න මෙන්න තියෙද්දී ඊලග සතියෙන් පස්සේ මට යන්න බැරිවුනා මොනාහරි හේතුවක් නිසා .. ඔය ප්‍රශ්නේ මගේ ඔලුවේ නිතරම තිබ්බා ඒත් අවුරුදු ගාණකට පස්සේ  ඊයේ දවල් මේ ප්‍රශ්නේ ආපහු මට මතක් වුණා.මන් දැක්කා පොඩි ගහක හදාපු පුංචි කුරුළු කුඩුවක්.. ඒකෙ කුරුල්ලෝ නම් හිටියේ නැහැ...අතෑරලා දාලා ගිහින් වෙන්න ඕනේ,, 
                   ඉතින් මන් මේ ගැන ලියන්න හිතුවා මගේ අදහස ,,, ඊට කලින් "වත් පොතේ" මගේ හොද යාලුවෙක්ගෙන් අදහස විමසුවා 

මේ අපේ දෙබසේ අවශ්‍ය තැන් කීපයක් 



  • 9:40am
    Apurvi Omaya
    මල්ලි සත්තු නිර්මාශිලිද ? නැද්ද ?
    9:40am
    චූටි මල්ලී
    නිර්මාණශීලි

    9:40am
    Apurvi Omaya
    උදාහරණ එක්ක පුලුවන්නම් කියන්න ,,

    9:40am
    චූටි මල්ලී
    උදාහරණ වඩු කුරුල්ලා ඒ වගේම කොඩක් කුරුල්ලෝ
    නිර්මාණශීලි


    9:40am
    Apurvi Omaya
    හ්ම්ම් තව

    9:41am
    චූටි මල්ලී
    කුබලා
    බබරා දෙබරා ,මී මැස්සා ,වේයා
    හැම සතාම නිර්මාණශීලි


    9:42am
    චූටි මල්ලී
    නැත්තම් ඔය වගේ තමන්ගේ කුඩු හදන්නේ කොහොමද
    9:42am

    Apurvi Omaya
    ok ,, නිර්මාණශීලි කම කියලා ඔයා අදහස් කලේ මොකක්ද ?

    9:42am
    චූටි මල්ලී
    "හිතලා දෙයක් කරන්න පුළුවන්කම
    හිතලා නිර්මාණයක් කරන එක"
    එලෑස්,,තෑන්ක්ස් 
    ______________________________________________

                                     
    ඉතින් ඇත්තටම සත්තු නිර්මාණශීලිද ? නිර්මාණශීලි කමට චුටි මල්ලි දුන්න උත්තරය ගැලපෙනවද? අපේ සංවාදේ ගොඩක් දුර ගියා,, දැන් මන් මගේ කතාව ලියන්න එපැයි

                            ලජ්ජාශීලි කෙනෙක් කියන්නේ ලැජ්ජාවක් තියන කෙනෙක්ට ,,ඉතින් ඒ වගේ මන් හිතනවා නිර්මාණශීලි කියන්නෙත් නිර්මාණ කරන්න පුළුවන් කියන එකට ,,
                                        ඒ වගේම නිර්මාණය කියන්නේ මොකක්ද ?? ඈ මන් දන්නේ නැහැ ,,, නිර්වස්ත්‍ර /නිර්මාංශ /නිරාහාරව/නිර්පද්‍රිතව /නිර්නාමිකව  මේ වචන ඔක්කොගේම අදහස් වෙන්නේ නැති හෝ නැහැ කියලා මේ ඔමායගේ අදහස ඈ .(සිංහල විෂයක් විදියට ඉගෙනගෙන නැහැ නිකමට හිතුවා විතරයි ඈ )
                       ඒ වගේම "නිර්මාණ "  නිර් +මාණ = නැති මාණ ,,දැනට නැති නව මාණ කියලා මන් හිතන්නේ
    හදමින් පවතින වඩුකුරුළු කූඩු
     

     හ්ම්ම් ඒක පැත්තකින් තියමුකෝ  මල්ලි කිවුවා වඩුකුරුල්ලා,වේයා ,දෙබරා වගේ සත්තු ,පොදුවේ කුරුල්ලෝ නිර්මාණශීලි කියලා,,ඔව් ඒත් මන් කල්පනාකලේ වඩුකුරුල්ලා අවුරුදු දහස් ගානක ඉදන්                                                                හදන්නේ කූඩුව එකම විදියට 

    ඇයි මෙයාට බැරි මේක මීට වඩා වෙනස්ව හදන්න ,, මේකේ මේ හැඩය වෙනස් කරන්න ,,ඔය යටින් එන්න තියන සිදුර වෙනස් කරලා වෙන විදියකට දාන්න 

            ,,,කාක්කා එදා ඉදන්ම ඇයි කෝටු කෑලි ගෙනියලා දාලා දාලා පොඩියට වහලයක් නැතුව කුඩුවක් හදන්නේ ,,,
                  ඇයි කාක්කා හිතන්නේ නැත්තේ "මෙදා පාර කූඩුව තට්ටු තුනකට විතර ගහලා ,වහලට ෆයිබර් ග්ලාස් දාලා ලස්සනට හදන්න"  පොඩි කාලේ කතාවක් අහලා තිබ්බා දවසක් කාක්කෙක් වතුර තිබහ හැදිලා වතුර හොයාගෙන යද්දී අඩියේ වතුර ටිකක් තියෙන බෝතලයක් හම්බෙලා ඊට පස්සේ ඒකට ගල් ගෙනත් දාලා වතුර ටික උඩට ගත්තයි කියලා,,එහෙම කාක්කෙක් ඉන්න ඇත්ද ඇත්තටම ???   

                     වේයා ඇයි හැමදාම මැටි හද හදා ලොකුවට තුබස්  ...බදින්නේ,, වේයාට ඇස් පේන්නෙත් නැහැ කියලා අහලා තියනවා...වේයා ඒ තුබස හදන්න මැටි හැර වෙන කිසිම දෙයක් පාවිච්චි නොකරන්නේ ඇයි,,,මේ ලෝකෙට වේයෝ බිහිවෙච්චි දා ඉදන් හැදුවේ තුබසම විතරයි වෙන මොනාහරි අළුත් දෙයක් හැදුවද ??නව නිර්මාණයක් තුබස් වේගෙන් වේලෙන්න සංයෝගයක් ,,, තුබසට නයින්ට රිංගන්න බැරිවෙන විදියේ රහස් ඛේතයක් දාපු දොරක් 
                                  
      මී මැස්සා තමන්ගේ ඝනාවාසේ හැමදාමත් මී පැණි වලින්  පුරෝනවා ,,,මිනිස්සු ඒවා කඩාගන්නවා ,,, ඇයි මී මැස්සට තමන් නිර්මාණශීලි නම් පුළුවන්නේ මිනිස්සුන්ගෙන් තමන්ගේ මී වදේ බේරගන්න...
                     බීවරයා කියන වේල්ලක් බදිනවා කියලත් අහලා තියෙනවා,, එත් එයා හැමදාමත් ඒක බදින්නේ එකම අරමුණක් වෙනුවෙන් ,, ටර්බයින කරකෝලා ලයිට් පත්තු කරගනන් නෙමේනේ   ,,,
                                     මන් නම් හිතන්නේ සත්තු නිර්මාණශීලි නැහැ නැහැමයි,,,මනිසා හැරෙන්න මේ පෘතුවියේ වෙන කිසිම ජීවියෙක් තුල නිර්මාණශීලි කමක් නැහැ ,,, මේ හැම කුරුල්ලටම ඕනේ ඉපදිච්ච නිසා ජිවත් වෙන්න ,,වර්ගයා පවත්වාගෙන යන්න ,,තමන්ගේ ආරක්ෂාවට සහ පැවැත්මට අවශ්‍ය කාරණා ටිකක්  විතරයි ඔවුන් ලග තියෙන්නේ,,හරකෙක් බලන්න ඉපදුනු දා ඉදන් කනවා නිදාගන්නවා.. 
    ------------------------------------------------------------------------
                                 
                         මේ ලෝකයේ ජිවය බිහිවීම ගැන සහ පරිණාමය ගැන අපි අහලා තියෙනවා , ජීවී නාමකරණය ,වර්ගීකරණය ගැන එපා වෙන්න අහලා තියෙනවා,,, සාගරයේ අජීවී දෙයකින් සජීවී ජීව සයිලයක් බිහිවෙලා (අකුණු ගැසීම් සහ නොයෙකුත් රසායනික ක්‍රියාවලි සමුදායකින් පස්සෙලු ) හෝ   එහෙමත් නැත්නම් විශ්වයේ කොහේ හෝ තැනකින් ආපු දෙයකින් මුල්ම ජීවී සයිලය බිහිවෙලා අවුරුදු බිලියන ගණනකට පෙර ජිවය ඇති වෙන්න ඇති කියලා හිතමුකෝ ,, ඉතින් ඔහොම හෙමින් හෙමින් සයිල බෙදෙමින් වර්දනය වෙමින් කොහොමහරි  ජිවය සාගරයෙන් ගොඩබිමට ආවා කියමුකෝ  ,,,ඊට පස්සේ අවුරුදු මිලියන ගණන් ගියාට පස්සේ විවිද ජීවින් වර්ග මිලියන ගාණක් මේ පෘතුවිය මත ඇති වුණා,, 

                                ඒ අතර දැන් ඉන්න මිනිසා දක්වා පැමිණි ජීවී විශේෂයත් හිටියා..ජීවී වර්ගීකරණයේදී මිනිසාත් අනිත් සත්තු ගස්කොලන් එක්කම තමයි වර්ග කරන්නේ...
    හෝමෝ නියන්ඩතාල් ,
    හෝමෝ ඉරෙක්ටස් ,
    හෝමෝ සේපියන් ,
    හෝමෝ සේපියන් සේපියන් ...කියා කියා  කාලයත් එක්ක මිනිසා වානරයාගෙන් පැවත ඇවිල්ලා කකුල් හතරෙන් ඇවිදින එක පැත්තක දාලා ටික ටික කකුල් වලින් විතරක් ඇවිද්දා ,,, සත්තු මරාගෙන අමුවෙන් කන එක නවත්තලා ගින්දර හොයාගෙන පුච්චගෙන කෑවා ,,,,උයාගෙන කෑවා ,,, ඒත් ඒ කාලේ අපේ පුරාතණ වානරයා එක්ක කැලේ හිටපු වදුරෝ,ගෝරිල්ලෝ,මුවෝ තාමත් ඇයි එහෙම්මම ඉන්නේ ඇයි එයාලා අපි වගේ පරිණාමය වෙනෙන් නැත්තේ ??? "හොලෝසින කියන යුගයේදී නුතන මානවයා පරිණාමය වෙද්දී ඇයි එයාලා එහෙම නොවුනේ ???අපේ තිබ්බ විශේෂත්වය මොකක්ද ??? මන් මේවට උත්තර දන්නේ නැහැ ,, ඇයි ප්‍රකෝටි ගණන් සත්තු සත්තු විතරක්ම වෙලා ඉන්නේ තාමත් ??අපි විතරක් කොහොමද 'ඇපල් අයි ෆෝන්" චන්ද්‍රිකා , මිසයිල ,න්‍යෂ්ටික අවි හදන්නේ ,, අලුතෙන් ගෙයක් හදද්දී ඒකෙ වෙන කිසි කෙනෙක්ගේ ගෙදරක නැති අළුත් දේවල් කරන්න හදන්නේ,,, ඒත් ඇයි මිනිස්සුන්වත් ක්‍රෝඩේටා වංශයටම දාලා ,,, බල්ලා ,පුසා ,කුකුලා එක්කම ,,, ඇයි මමේලියා ගෝත්‍රයට  දාලා කකුල් වලින් එල්ලිලා නිදාගන්න වවුලා එක්ක දෙන්නම කිරිබොන හින්දලු ,, 
                                  මට නම් මේ මුළු ලෝකෙම රහස් වලින් පිරිච්ච ගුහාවක් මන් දන්නේ හරිම ටිකයි ,, මේ මගේ ප්‍රශ්න වලින් කීපයක් ඔයාලා උත්තර දනනවා නම් මට කියාදෙන්න ,, 


           සමර් එකේ අඩ නිරුවත සබැදි ලිපියක් 

Sunday, September 15, 2013

יום כיפור යොම් කිපුර් (මුළු ඊශ්‍රායලයම සයිලන්ට් වෙන එකම දවස) 30


             යුදෙව්වන් කියන ජාතිය ගැන මේ ලෝකේ නොදන්න පිරිස ඉතාම අල්පයි කියලා මම හිතන්නේ ,, ඒ දන්නා අය අතර වුණත් ඔවුන් ගැන බොහෝවිට තිබෙන්නේ හොද ආකල්පයක් නෙමේ.. පවුද්ගලිකව මා තුල පවා... නමුත් මන් ආසයි ඔබට ලියන්න ඔවුන්ගේ සංස්කෘතිය තුල තිබෙන , සාමාන්‍ය ජනජීවිතය තුල තිබෙන දේ... "රොෂ් හා ශනා "ගැන ලියපු ලිපියෙන් පොරොන්දු වූ ආකාරයට,, කාලයත් එක්ක ඔබට යම් අවබෝධයකට  එන්න හැකි වේවි යුදෙවුවෝ ගැන ,,, එහෙනම් මන් අද ලියන්නම් "යොම් කිපුර්" පිලිබදව  
      
                     









    13 වෙනි සිකුරාදා ඉර බැස යාමත් සමග ආරම්භ වී 14 වෙනි දින ඉර බැස යාමත් සමග අවසාන වෙච්ච මේ දිනය මුළු ඊශ්‍රායලය පුරා සිටින යුදෙවුවෝ සැමරුවා හරි අපුරුවිදියට... 
                               මගේ සීයා දැඩි ආගමික භක්තිකයෙක් නිසා හැම චාරිත්‍රයක්ම ඒ විදියටම දැකගන්න හම්බුණා. ඒ වගේම යොම් කිපුර් පිළිබදව අන්තර්ජාලයෙන් ,සගරා වලින් කියෝනවට වඩා දේවල් අහගන්න හම්බුණා.
                                   සිකුරාදා හවස පහ මාර වගේ වෙද්දී කාලා බීලා අවසන් කළා . ඊට පස්සේ එයාගේ යට ඇදුමේ ඉදන් ඔලුවට දාන කිපාව (කුඩා තොප්පිය) දක්වා හැම එකම සුදු පාටින් ඇදගත්තා.. හවස හයේ ඉදලා රෑ නවය හමාර වෙනකල් එයා දෙවියන් යැද්දා,, "රොෂ් හා ෂනා" වලට වගේම කිපුර් සදහාම ලියවෙච්ච පොතක්  සහ කවි පොතක් කියෙවුවා...බෙහෙත් වත් බිවුවේ නැහැ නිදාගත්තා.. පහුවදා උදේ හතට නැගිටලා  නවය වෙනකල් එක දිගට අරවිදියට කළා ,,මන් සැරින් සැරේ හොරෙන් බැලුවා.. මුළු දවසම සාලෙට වෙලා පොත් දෙක කියෝ කියෝ දෙවියන් යැද්දා.. නිදාගන්නවා නැගිටිනවා ආයේ යාඤා කරනවා.. ඒ වගේම ඒ මුළු දවසෙම කරන්ට් එකෙන් වැඩකරන කිසිම දෙයක් පාවිච්චි කලේ නැහැ.. ලයිට් එකක් වත් දාන්නේ නැහැ.. (නිතරම මට කන්න කන්න කියා කියා කන්නලව් කළා ,, මන් මුලින් හිතාගෙන හිටියේ සීයට බොරුවට කෑවේ නැහැ කියලා හොදට කකා බිබී ඉන්න.. කොහෙවත් ඉන්න රටක මිනිස්සුන්ගේ විකාර වලට ඇයි මන් නොකා නොබී ඉන්නේ කියලා ...ඒත් අර වයස මනුස්සයා බඩගින්නේ ඉද්දි කන්නේ කොහොමද මාත් නිරාහාරව ඉන්න තීරණේ කළා ඒ වගේම හිටියා ,, එයා ඒ ගැන දුක් වුනත් පස්සේ ගොඩක් සතුටු වුණා  ඒ වගේම ශක්තිමත් වුනා.එයාගේ දරුවෝ මට කලින් කියලා තිබ්බා එයා වයස නිකා නොකා ඉන්න දෙන්න එපා කියලා ඒත් එයා කලින් දවසේ හැන්දෑවේ ඉදලා පහුවදා රෑ හත හමාර වෙනකල් කෑවේ නැහැ  )
                                           පැය විසි හයක් විතර මේ විදියට නිරාහාරව දෙවියන් යදිමින් ගත කළා...ඒ කාලය අතර එයා සෝෆා එකේ ඇලවෙලා ඉන්න වෙලාවට යොම් කිපුර් ගැන මන් අහගත්තා.. 



 රොෂ් හා ශනා  නැත්නම් අළුත් අවුරුද්ද දවසේ ඉදලා ඉස්සරහට දවස් දහයක් ගියතැන තමයි යොම් කිපුර් දවස යෙදෙන්නේ ,,, ඒ දවස් දහයේ කාල සීමාව තුල තමන්ගේ ආත්මය සෝදිසි කරමින් තමන් තුල තියෙන අඩු පාඩු ,පව් ගැන ස්වයං විමසීමක් කරගන්න තමයි ඒ කාලය වෙන් කරලා තියෙන්නේ,, 

ඒ වගේම හැම යුදෙව්වෙක්ම එදා දවස වැඩි හරියක් ගත කරන්නේ  "සිනගෝගයේ" වතුරවත් බොන්නේ නැහැ නිරාහාරව මුළු දවසම ගෙවන්නේ..
(යුදෙවුවන් ගේ ආගමික ස්ථානය)  සීයා ගොඩක් වයස නිසා තමයි ගෙදර හිටියේ.. මේ රුප වල පෙනෙන විදියට සළුවක් පොරෝගෙන , පොඩි තොප්පියක් පැළදගෙන තමයි එයාලා ආගම අදහන්නේ..එදා මුළු දවසෙම ඊශ්‍රායලය නිහඩයි ..ගුවන්තොටුපල වසා දානවා ,,කිසිම ගුවන් ගමනක් නැහැ , දුම්රිය ස්ථාන වසාදමනවා ,බස් වැඩ කරන්නේ නැහැ , රුපවාහිනි චැනල් හැමෙකක්ම ,රේඩියෝ චැනල් හැමෙකක්ම ,සුපිරි වෙළදසැල් ,කොෆී ෂොප් පවා වසා දමනවා... 

මට හරිම පුදුම හිතුණා.. පාරවල් අටක් ක්‍රොස් වෙන ලොකු හන්දියක අපේ ගේ තියෙන්නේ ,,සිකුරාදා හවස හයේ ඉදලා සෙනසුරාදා රෑ අට වෙනකල් පාරේ එක වාහනයක්වත් ගියේ නැහැ ,, බයික් එකක්වත් නැහැ ..සීයාගෙන් අහපුවාම කීවා..
                              
                              "මේක අපේ රට මන් විතරද මේ රටේ ඉන්න එකම යුදෙවුවා ,,,එයාපෝර්ට් එකේ වැඩකරන්නෙත්,,බස් එලවන්නෙත් යුදෙවුවෝ ජනාධිපති සිමෝන් පෙරිස් එයත් යුදෙවුවෙක් පාරේ කුණු එකතුකරන එයත් යුදෙවුවෙක්,,,අපි හැමෝම එකතුවෙලා යුද්ධ කරලා ,,ජිවිත දීලා අයිතිකරගත්ත අපේ රට මේක" 
                              කියලා තව ගොඩක් දේවල් කියාගෙන ගියා ඒ වගේම සීයා කිවා අද තමයි පොඩි ළමයින්ගේ බයිසිකල් පදින දවස කියලා ,,උදේ ඉදන් ළමයි පාර මැද්දේ බයිසිකල් පැද්දා...






මේ අවුරුදු 12 ,13 වගේ ළමයි සමර් එක නිසා ඔහොම තමයි අදින්නේ




                                          යොම් කිපුර් දිනය සමරන ආකාරය ගැන වගේම මෙහෙම දිනයක් ගතකරන්න හේතුව හොයාගන්නත් එපැයි,,/
                                          ""ශුද්ධ බයිබලයේ ලෙවී කථාවේ 23 :26 -27 වෙනකල් සදහන් වෙනවා සත්වෙනි මාසේ දස වන දින සමගිකම් කිරීමේ දවසය ;නුබලා ශුද්ධ සභා රැස්වීමක් පැවැත්විය යුතුය ,නුබලාගේ ආත්මවලට දුක දී දෙවියන්ට පුජාවක් ඔප්පු කරන්න කියලා ,, ඒ වගේම ඒ දවසේ කිසිම බර වැඩක් කරන්න එපා කියලා""
                           
                              ඒ වගේම යොම් මෙවර යොම් කිපුර් උත්සවයේ තව වැදගත්කමක් තියෙනවා ඒ 1973 අවුරුද්දේ සිරියාව ,ඊජිප්තුව ,ජෝර්දානය කියන අරාබි රටවල් එක්ක ඊශ්‍රායලය බරපතල යුද්දෙකට මුණ දුන්නලු,,ඒ යුද්ධය අවසානෙත් ඊශ්‍රායලය ජය අරන් තියෙනවා ගුවන් ප්‍රහාර මගින් ඊජිප්තුව වගේ විශාල රටක හමුදාවක් අන්දමන්ද කරලා ඒ රටෙත් යම් යම් කොටස් ඊශ්‍රායලයට ඈදාගෙන තියෙනවා.. මේ යුද්ධය දවස් හයක් පුරා ඉතාම දරුණුවට තිබිලා තියෙනවා එය එදා නම් කරලා තියෙන්නේ යොම් කිපුර් යුද්ධය කියලා ඒ යුද්දෙන් විසිදාහකට වඩා හමුදාවේ අය මිය ගිහින් තියෙනවා 
                                    අද  (සැප්තැම්බර් 15 ) ජෙරුසලමේදී "යොම් කිපුර් රාජ්‍ය උත්සවය පැවැත්තුවා ජනාධිපති සීමොන් පෙරිස් ,අගමැති බෙන්යමින් නෙතන්යාහු ,ඇතුළු යුද හමුදා ප්‍රධානින් ගේ මුලිකත්වයෙන්   ඒ වගේම ඒ යුද්ධයෙන් තමන්ගේ සමීපතමයන් අහිමි වෙච්ච අය ඇවිත් හිටියා හරිම සංවේදී උත්සවයක් ඒක.. අගමැති නෙතන්යාහුගේ ලොකු අයියා පවා ගුවන් හමුදාවේ රාජකාරි කරද්දී ඒ යුද්ධෙන් මිය ගිහින් ,, අවුරුදු 40 ක් සම්පුර්ණ වෙන අද දවසෙත් ගොඩාක් අයගේ ඇස් වල කදුළු ,, (සීයාගේ පුතාලා තුන් දෙනාම ඒ යුද්දෙන් දරුණු විදියට අනතුරු වලට මුණ දීලා තියෙනවාලු ,, ලොකු පුතාගේ ඔලුවේ ප්ලැටිනම් වලින් මොනාද දාලා තියෙන්නේ කීවා, තව එක්කෙනෙක්ගේ බඩේ උඩ ඉදන් යටටම ඔපරේසන් කීපයක් ,, බාල එක්කෙනාගේ කකුල් වලට ප්ලේට් දාලා තියෙන්නේ,,) 

                                      උත්සවේ අවසානෙදි මිය ගිය අයගේ සොහොන ලග මල්වඩම් තියලා ගවුරව කළා.. මැතිඇමති වරු නෙමේ ජනාධිපති ,අගමැති ,හමුදාපති වරුන් ඇතුළු ඒ දුදරුවෝ අහිමි වෙච්ච පවුල්වල අය තමයි මුලික උනේ..අවසානේ ජාතික ගීය කියලා අවසන් වුණා.


රාජ්‍ය උත්සවය 
                             සීයා මට කියපු තවදෙයක් තමයි හැම යුදෙව්වෙක්ම අවුරුදු 18 සම්පුර්ණ උනාට පස්සේ අනිවාර්යෙන් හමුදාවට බැදෙන්න ඕනේ කියන එක..අවුරුදු 3ක් හමුදාවේ වැඩකරන්න ඕනේ ,,අවිවාහක ගැහැණු අය අවුරුදු 2 ක් වැඩ කරන්න ඕනේ..ඊට අමතරව හැම පිරිමියෙක්ම අවුරුද්දට දවස් 45 ක් හමුදාවේ වැඩ කරන්න යන්න ඕනේ අවුරුදු 55 සම්පුර්ණ වෙනකල් ,,,ඒ වගේම රටේ වාතාවරණය හැටියට දික් වෙන්නත් ඉඩ තියනවලු ...විවාහ වෙච්ච නැති ගැහැණු අය අවුරුදු 50 වෙනකල් රටේ හදිසි වාතාවරනෙකදී හමුදාවෙන් කැදවනවලු,,,, මේ රට පොඩියි ,ජනගහය අඩුයි ඒ නිසා රටේ ජනාධිපතිගේ ඉදලා සාමාන්‍ය පුරවැසියා වෙනකල් හැම කෙනාටම රටේ ආරක්ෂාව ගැන වගකීමක් තියෙනවා..

                                    ගොඩක් පවුල්වල දරුවෝ හතර දෙනාට වඩා ඉන්නවා ,, පාරේ ළමයි 6 දෙනෙක් එක්ක යන තරුණ ගෑණු කෙනෙක් පෙන්නලා මන් කිවුවා "අම්මෝ ළමයි ගොඩ " කියලා සීයා කිවුවා "දෙයියන්ගේ පිහිටයි " කියලා ,,මන් කිවුවා අම්මෝ එච්චර ළමයි මොකටද කියලා එයා කියනවා යුද්දෙට යන්න ළමයි ඕනේලු ,, ඒ වගේම දරුවා ලැබෙන්න කුසට ආපුවාම මාස 3නෙන් ස්කෑන් කරලා බලලා නිරෝගී බව තහවුරු කරනවලු ,,විකුර්ති සහ ආබාධ තියෙන කළල රජය විසින්ම අයින් කරනවලු ....ඒ වගේම නිරෝගී නම් මාස 3 නේ ඉදලා රජයෙන් අම්මට යම් මුදලක් ගෙවනවලු ,, ඒ වගේම දරුවා හම්බ වුනාට පසේත් ළමයාගේ වියදම් රජය ගෙවනවා,,,සීයා කියනවා ළමයි 8 දෙනෙක් හදාගත්තොත් අම්මා තාත්තා රස්සාවක් කරන්න ඕනේ නැහැලු...මේ රටේ මිනිස්සු ළමයි වෙනුවෙන් ගොඩක් දේවල් කරනවා ,, මන් tv එකේ දැකලා තියෙනවා නිතර... තවම මේ රටේ ජනගහනය මිලියන 7.5 ක් වගේ එකෙන් 20% ක් විතර අරාබි ඉතිරි 80% යුදෙව්වන් අපේ රටෙන් තුනෙන් එකක් තරම් කුඩා රටක් මේක..
 (සමහර කොටස් ප්‍රියන්ත හේවගේ කොමෙන්ට් එක අනුව නිවරැදි කළා 

                                         ඊශ්‍රායලය යුද ශක්තිය අතින් ලෝකේ රටවල් අනුපිලිවෙලට ගත්තම ඉන්නේ 12 වෙනි ස්ථානයේ අංක එකට ඉන්නේ ඇමරිකාව ,,නමුත් මුළු ලෝකෙම දන්නා කරුණක් වෙන්නේ ඊශ්‍රායලය සතු සැගවුණු යුධ ශක්තියක් තිබෙන බවයි.. ප්‍රහාරක ඩෝරා යාත්‍රා , කෆීර් යානා නිපදවන්නේ ඉශ්‍රයලයේ..ඒ ගැන වෙන ලිපියකින් ලියන්නම් ,,, සිමෝන් පෙරිස් ජනාධිපති තුමාට අවුරුදු 90 ක් ඉවරයි ඒත් තවමත් තනියම ඇවිදින්නේ ,,ෆුට් බෝල් උත්සවයක් බලන්න ගිය වෙලාවක බෝලෙට පයින් ගහනවත් දැක්කා .... ඊලග ලිපියේ ලියන්නම් ඒවා ගැන

    
                                                 අවසාන වශයෙන් "යොම් කිපුර්"                          කියන්නේ,නිරාහාරව සිටිමින් දෙවියන් සමග පමණක් තම ආත්මය ගනුදෙනු කරන දවසක්,,ගෙවුණු වසරේ පාපයන් වලට පසු තැවෙමින් හිත් පිරිසිදු කරගන්න දවසක් ඒ නමුත් යුදෙවුවන් කියන්නේ තද හිත් තියන ජාතියක් ඒ නිසා ඔවුන් මොන දේ කලත් ඔවුන්ගේ ඇතුලාන්තය තුල හිස් කමක් තියෙනවා ""   
                          ශුද්ධ බයිබලයේ යෙසාය අනාගත වක්තෘ තුමාගේ පොතේ 1 :18 වෙනි පදයට සමාන අදහසක් ඇතුව ඔවුන් මෙය සිදුකරනවා ඇති (එහි දෙවියන් කියනවා එන්න අපි කාරණා කතා කරගමු කියලා ,, ලාක්ෂ මෙන් රතුව තිබෙන පාප හිම මෙන් සුදු කරන්නම් කියලා )

Wednesday, September 11, 2013

ඉවසන සෙල්ලම 29

                                     



                     විස්ස විසිදෙක වෙනකල් මල්ලි එක්ක ක්‍රිකට් ගහපු ,,මාරි පැකට් එකෙන් වැඩි කොටස කන්න මල්ලි එක්ක මරාගත්ත,,විනාඩි පහකට වඩා එක ඉරියවුවේ නොහිටපු ,,මන් දැන් ගෙවන ජිවිතේ මටම පුදුමයක්.
             ඉවසීම කියලා වචනයක් නොතිබ්බ මගේ වචන ලිස්ට් එකේ  උඩින්ම  තියාගන්න වුනේ ඉවසීම ,,,මට ලැබුන මුල්ම රැකියාව මාසෙකින් දමාගසා ඒමට සිද්ද වුනෙත් ඒ නිසා..කාටහරි වැදගත් වෙයි කියලා හිතුන නිසා මන් ඉවසීම ඉගෙනගත්ත හැටි සහ ඉවසීම පුරුදුවෙන සෙල්ලම කරපු හැටි ලියන්නම් මගේ මුල්ම රෝගියා  ප්‍රොෆෙසර් කෙනෙක්,,වයස අසුඅටයි ,,ඩිමෙන්සියා මුල් අවදියේ කෙනෙක්..
                                    එයාට ලොකු පුස්ථකාලයක් තියෙනවා ගෙදර,, හිටපු ගමන් මට කියනවා උඩම රැක් එකේ පොත් ඔක්කොම බිමට ගන්න කියලා ,මන් ඉතින් ඉනිමග දිගේ නැගලා ඒවා අරන් අරන් මේසේ උඩින් තියන්න ඕනේ.. ලොකු පොත්,,උඩ රාක්කෙ ඔක්කොම බාන්න මන් සියවාරෙකට වඩා  නගින්න බහින්න ඕනේ ,, පොත් දෙකකට වඩා එක පාර පහලට ගේන්නත් බැහැ ,, 

වචනයක් වත් කතා කරන්නෙත් නැහැ ඔය වැඩේ කරන අතර තුර..ඊට පස්සේ ඔක්කොම බෑවට පස්සේ යටම රාක්කෙ ඔක්කොම ආයේ අරවගේ දෙක ගානේ උඩින් තියන්න ඕනේ..අනේ දෙකම පැයගානක් මහන්සිවෙලා දත්මිටිකාගෙන කලාට පස්සේ කියනවා අනේ සොරි සිල්වා මට අමතක වුණා , එක පොතක් මිස් වුණා කියලා,,  අනේ මන් ආයේ ඔක්කොම පෙන්න පෙන්න අහන්න ඕනේ මේකද ? මේකද ? කියලා... ඔහොම උදේ ඉදලා 12 විතර වගේ වෙනකල් කලාට පස්සේ කියනවා

 "හ්ම්ම් අදට ඇති දැන් බඩිගිනි",,,මන් ඉතින් කන්න මොනාහරි හදනවා,, ඊට පස්සේ විනාඩි 10 කින් වගේ මට කතා කරලා කියනවා "ඇයි තාමත් කන්න දෙන්නේ නැත්තේ " දැන් කීයද වෙලාව ?? පුතාට කෝල් එකක් අරන් මොනාද කියනවා ,, ඊට පස්සේ පුතා මට කතා කරලා අහනවා ඇයි කන්න දුන්නේ නැත්තේ මගේ තාත්තට කියලා.. මට භාෂාව තේරෙන්නේ නැහැ කියන්න වෙච්ච දේ ,ඒ පුතාට ඉංග්‍රීසි දන්නේ නැහැ ,,මන් ගොත ගගහා කියද්දී එයා කට් කරනවා ,,අනේ මට සීයව කන්න කේන්ති ,,,
                                             
         ආයේ ඉතින් පටන් ගන්නේ කන්න ගියාම පැණි රසට කන්නේ අපි වගේ මිරිස් කන්නේ නැහැනේ,,හැමදාම දවල්ට අල කොටු කොටු කපලා චිකන් කොටු කොටු කපලා එකට දාලා හදන කෑමක් තමා කන්න ආස ,,මොන ජාතියක මිනිහෙක්ද මන්ද කියලා හිතුණා, ඉතින් අද කියනවා "හෙට උයද්දී පොඩියට කපන්න මේ ගානට කියලා ,,, "  පහුවදාට කනකොට ආයේ කෑගහනවා "අපොයි මේවා ලොකුයි පොඩියට කපන්න හෙට මෙන්න මේ ගානට " අනේ ඒ ගානට කපපුවාම කියනවා මොනාද මේ කියලා ,, ,, කනකල්ම බනිනවා මන් රවනවා , අඩනවා ,, පස්සේ පස්සේ මන් හැමදාම රණ්ඩු වුනා ,, සති තුනක් ඇතුලත නව වතාවක් පුස්තකාලේ අස් කළා අර වගේම,, 
                                                කාලා බිලා මන් එක්ක රණ්ඩු කරලා ඊට පස්සේ පටන් ගන්නේ ෆ්‍රිජ් එකේ බඩුවල එක්ස්පයර් ඩේට් චෙක් කරන එක මොලේ කුඩු වෙන්න ජෑම් බෝතලෙකින් දෙන්න හිතුන වාර අනන්තයි ,, පස්සේ මන් ළමයි ආවම කීවා හැමදේම ඒත් එයාලා කිවේ ඉවසන්න තාත්තගේ හැටිනේ කියලා.. ඒ සති තුනේදී මන් හිටියේ පුදුම කලකිරීමකින් , කේන්තියකින් වයිරෙකින් ,අම්මට වත් කතා කලේ නැහැ ,, ඒ මනුස්සයන්ව රිද්දුවා මගේ හිතේ තිබ්බ පිඩනේ නිසා ,,
                                          අසතුටින්මයි හිටියේ,, මගේ මුණේ කුරුලෑ ගොඩක් ආවා ,, කණ්ණාඩියෙන් මුනවත් බැලුවේ නැහැ මාවම එපා වෙච්ච නිසා ,,,  මන් නිතරම  මිනිහට කීවා ,,මන් ඔයාව ආදරෙන් බලාගන්න කැමති මට ඇයි මෙහෙම කරන්නේ ,,මාත් මනුස්සයෙක් කියලා ,, දවසේ හැම තප්පරේම මන් ගෙවුවේ කේන්තියෙන් ,කලකිරීමෙන් ,මට මාව වත් පෙන්නන්න බැරුව  හිටියේ.
දවසක්  මන් එයා එක්ක රණ්ඩු වෙලා කිවුවා "මේක මගේ ලංකාව වුණානම් දෙකට කපලා ජනේලෙන් පහලට විසිකරනවා කියලා " (අපි හිටියේ 12 වෙනි තට්ටුවේ ගෙදරක) ඊට පස්සේ කට වහගත්තා ,,එවලේම මන් මගේ ඇදුම් ටිකත් අරන් ජොබ් එක දාලා ආවා... ඔන්න ඔහොම තමයි මගේ ඉවසීම කෙලවර වුණේ. 
                                       ඊට පස්සේ ගොඩාක් හොද කෙනෙක් හම්බුණා..මාත් ගොඩක් සතුටින් හිටියා...කිසිම අභියෝගයක් නැහැ ආච්චිට ලස්සනට මේකප් එකක් දාලා ෂෝයි ඇදුමක් අන්දලා තිබ්බම පාඩුවේ ඉන්නවා ,, අම්මේ දෙවියෝ මගේ මුන බැලුවා කියලා හරිම සැහැල්ලුවෙන් හිටියා.. එත් ඒ කාලය තුල මගේ හිත මට දොස් කිවුවා..ඇයි අතනින් ආවේ කියලා.. මන් ඉංග්‍රීසි කතා කරන්න ඉගෙනගන්න ගොඩක් ආසාවෙන් හිටියේ කාලයක් තිස්සේ.. ප්‍රොෆෙසර් හම්බුනාම ගොඩක් සතුටු වුණා එයා හොදට ඉන්ග්ලිෂ් කතා කරපු නිසා...මන් මටම කියාගත්තා මොන ප්‍රශ්නේ ආවත් මන් මෙයා එක්ක ඉන්නවා ඉංග්‍රීසි ඉගෙනගන්න පුංචි කාලේ ඉදන් තිබ්බ ආසාවට මේක දෙවියන් දුන් තෑග්ගක් මට කියලා..දෙවියන්ටත් ස්තුති කළා.. ඒත් ඒ හැමදේම පරාද කරගෙන මගේ දුර්වල හදවත ,ශරීරය නැගී සිටියා කියලා මන් හිතන්නේ.. 
                                      
අර භාජනේ ලිපේ තියලා රත් වෙනකල් කකුළුවා ස්විමින් කළා වගේ දෙයක් වුනා මටත්... දවසක් උදේ නැගිටිද්දී ආච්චි මාව තුරුල්කරන්ම නැතිවෙලා.. මාත් නිදාගත්තම මලා වගේනේ උදේ තමයි දන්නේ හොස්පිටල් එකෙන් කිවුවා ස්වභාවික මරණයක් කියලා,,ඒ වගේම රෑ නැති වෙලා තියෙන්නේ....එකත් ඉවරයි. ඔහොම තව රැකියා කීපෙකින් පස්සේ තමයි දැන් ඉන්න සීයව හම්බුණේ.
                                
                                                    මට වඩා අවුරුදු 70 ක් විතර වැඩිමල් කෙනෙක් එක්ක පැය විසිහතරම  සහ දින 365 ම ගෙවන්න මට සිද්ද වෙලා තියෙන්නේ දැන්... කාලයත් එක්ක පලවෙනි කෙනා හොදයි කියන මට්ටමට දේවල් සිද්ද වෙන්න පටන් ගත්තේ මුලදී මෙතනිනුත් යන්නම ඕනේ කියලා හිතුනත් මුදල් ගැන හිතලා මට ඉන්න හිත හදාගන්න සිද්ද වුණා.. දෙවියන්ට ස්තුති කියපු කටින්ම අනේ දෙවියනේ ඇයි මට මෙහෙම කරන්නේ ,,? අනිත් අය සතුටින් ඇයි මටම මෙහෙම කරන්නේ කියලා ප්‍රශ්න කරන්න පටන් ගත්තා .. .. 

මේ සීයා නිසා මට ජිවිතේ කලකිරුණා පුදුම විදියට එයාගේ භාෂාව මට තේරෙන්නේ නැති එකට නිතරම මට මොලේ නැහැ කිය කියා ඇද කරනවා, මගේ රටට අපහස කරනවා.. මන් බාත් රූම් එකේ ඉද්දි කෝල් එකක් එයාට ආවොත් ෆෝන් එක අරන් දෙන්න මන් ලග නොහිටියා කියලා ඒක මගේ ලොකු වරදක් වෙනවා ,, ඒ වගේම කලින් ප්රෝෆෙසර්ට තිබිච්ච පුස්ථකාල අස් කරන ලෙඩේ මෙයාට ඊට වඩා තියෙනවා...මන් කේන්ති එන හැම වෙලේම ඒක යටපත් කරගන්න ඕනේ කියලා කටින් කිවුවා මට ඇහෙන්නම .. මට කරන්න බර වැඩක් නැති හින්ද ලැබෙන සැලරි එකට හරියන්න මන් මගේ හිත රිදෙන්න අරින්න ඕනේ කියලා ,, ඇත්තමයි මටම පුදුමයි..
                          මන් හොදටම දන්න හරිම සරල දෙයක් ගැන සීයා සමහරවෙලාවට මට කියාදෙන්නේ විශ්ව රහසක් එළිදරව් කරනවා වගේ මගේ යටි හිත කියනවා මොන විකාරයක්ද මේ,, "ඕක කරන්න ඔච්චර මහන්සිවෙන්න දෙයක්ද ,,ඕවා අපි චුටි කාලේ ඉදන් දන්නේ කියලා"  එත් ඒක මන් කටින් කිව්වුවොත් දවසම ඉවරයි ඊට පස්සේ දවසේ කිසිම වෙලාවක සීයා මන් එක්ක හිනාවෙන්නේ නැහැ..මාව පෙන්නන්න බැහැ.. වැඩ කියනවා නිතර..ඒ නිසා මන් පුරුදු වුණා කටින් නොකියා ඔහේ බලන් ඉන්න.මුල් කාලේ ගොඩක් අමාරු වුනත් මන් කළා..
                                    අල්මාරියට රෙදි නමලා දාන්න ගියාම එපා වෙනවා.. අතනින් තියන්න ,,නැහැ මෙතනින් ,,,එක්කෝ නැහැ අතනින් ..මට කිවුවට තේරෙන්නේ නැති නිසා අතින් පෙන්නනවා ..ඔක්කොම ඉවරකරලා යන්න හදද්දී කියනවා ,,පහල තට්ටුවේ ඔක්කොම උඩට දාලා උඩ ඒවා පහලින් තියන්න කියලා.. මුල් කාලේ මුණ යකෙක් වගේ කරගෙන කලාට කමක්නැහැ මන් මෝඩයෙක් වගේ ඉද්දි සීයා සතුටින් ඒ වගේම සල්ලි හම්බෙන්නේ නිකන් ඉන්නවට නෙමේනේ කියලා හිතන්න පස්සේ පස්සේ මන් පුරුදු වුනා..එහෙම හිත හදන් අල්මාරිය වහල එද්දී ආයේ කියනවා කෝ කෝ බලන්න කියලා බෙඩ් ෂිට් ඔක්කොම බලන්න ඕනේ කියලා අරන් දෙන්න කියනවා,, මන් ඉතින් දෙනවා ..ඔක්කොම දිගහැරලා දාලා කියනවා ආයේ නමන්න කියලා ,,ඒ වෙලාවට මගේ ඇග පොපියනවා කේන්තිය වැඩිකමට ,,ඒත් මන් ගොඩක් අමාරුවෙන් ඉවසීමේ සෙල්ලම කරනවා ,,කිසිම කලබලයක් නැතුව , ගානක් වත් නැතුව මුණේ පොඩි හිනාවකුත් තියාගෙන අර ටික ආපහු නමලා තියනවා..
                                                ගෙදර බෙල් එක වැදුනම කවුද කියලා අහන්නේ නැතුව දොර අරින්න එපා කියලා හැමතිස්සෙම කියනවා ,,ඉතින් ගෙදර බෙල් එක වදිද්දී මන් ෆෝන් එකෙන් කවුද කියලා අහද්දී මට කෑගහනවා මොනාද අහන්නේ ඉක්මනට දොර අරින්න කියලා.. ඒ එන කෙනා එයාට වුවමනා කෙනෙක් නොවුනොත් ගියාට පස්සේ බයිනවා ඇයි මන් කියන දේ කරන්නේ නැත්තේ කියලා "අනිත් දවසේ එහෙම දොර අරින්න එපා කියනවා මුල් දවස් වල මේක වුනාම මන් අඩලත් තියෙනවා ,,එත් ඉවසීමේ සෙල්ලම කරන්න ගත්තට පස්සේ ඔය වගේ දේවල් වලදී මන් කරන්නේ "හා එහෙම කරන්නම් අමතක වුනානේ" කියනවා ,,
                                    සීයාගේ දරුවෝ මට කිවුවා  පස්සේ එයා එක්ක ඉන්න ගොඩක් අමාරුයි කියලා ,,එයාලා ආවත් පැය බාගයක් ඉන්නේ නැහැ මහා හයියෙන් කියවගන්නෙ ,,
                                                            මේ කාසිමාවේදී හරි අහම්බෙන් මන් නෙට් එකේ ඉන්න අතර වාක්‍යක් දැක්කා  "අපිට අපහස කරන ,වැරදි කරන අය එක්ක   එකට එක කරමින් රණ්ඩු වෙමින් ගහගන්නවට වඩා එයාට පෙරලා ආදරය , කරුණාව , දැක්වීමත් ඒ වගේම ඒ දේවල් මොකුත් නොවුන ගානට කතා බහ කිරීම තුලිනුත් අපිට ඒ මනුස්සයාගේ හිස උඩට ගිණි අගුරු ගොඩ කරන්න පුළුවන් වගේ අදහසක් ඒ වාක්‍යයේ තිබ්බා.. ඇත්තටම මන් ඒ දේ කළා... දෙවියන්ට දොස් කියන එක පැත්තක තියලා  ඒ හැම එපා වෙන කලකිරෙන වෙලාවකම මන් මටම කියාගත්තා මේ ජොබ් එක කවුරුවත් මට බලෙන් දුන්නේ නැහැ ,,සල්ලි හම්බෙන්න නම් මන් මේවා දරාගන්නම වෙනවා ඒ වගේම මේ කෙනා රෝගියෙක් ඉවසන්න ඕනේ කියන එක .. සමහර වෙලාවට පැය ගණන් පාර දිහා බලන් ඉන්නවා කතා කරන්නේ නැහැ..මට කාමරේට යන්න විදියකුත් නැහැ ,,,




                                   කතාව දිග වැඩිවෙනවා තවත් දේවල් ලිවුවොත්.. මන් වගේ නොඉවසිලිවන්ත මනුස්සයෙක්ට තියා හරිම අහිංසක ඉවසිලිමත් කෙනෙක්ටවත් දරන්න බැරි දේවල් වලට මුණ දෙන්න සිද්ද වුනා මේ විදියට ,, ඒ හැම වෙලාවකම අර කවුද   සතුටුවෙන සෙල්ලම කරනවා වගේ  මන් "ඉවසන සෙල්ලම කළා"  ඇත්තමයි ඒක හරිම ආත්මතෘප්තිය දෙන සෙල්ලමක්.. වෙන කෙනෙක්ගේ මතය ඉවසල බලන්න එකපාරක් ,,හැබැයි මුණේ ඉරියවුවකින්වත් ඒ කෙනාට "කෝචෝක් හිනාවක් නොදා" ඔයාට ගොඩක් සතුටු වෙන්න පුළුවන් වෙයි.. මේ විදියට මාසයක් ගියා සීයා නතර කළා එයාගේ ගොඩක් දේවල් ,, පුස්තකාලේ අස් කරන එක ,අල්මාරියේ රෙදි නමද්දී කරන වැඩේ එයා නතර කළා.. එයාට එපා වුනා..මන් හිනාවෙලා ඒවා කරද්දී ,,මෝඩයෙක් වගේ එයා කියල දෙන ප්‍රාථමික දේවල් මහා ඉහලින් අගය කරද්දී එයා සතුටු වුණා..දැන් මේ ගෙදර හැමදේම වෙන්නේ මට ඕනේ විදියට,,ඉවසීමට කරන්න පුළුවන් දේ කොච්චරක්ද කියලා මන් තේරුම් ගත්තා ,,

                                       මේ ලිපිය ලිවීමේ අරමුණ වුණේ මන් මගේ පලවෙනි රෝගියා එක්ක ගත කරපු කාලසීමාවේ අත්දැකීමට සමාන අත්දැකීම් විදින අය සහ අනාගතේ මෙවැනි රැකියාවක් කරන්න ඉන්න අය වෙනුවෙන් ඔවුන්ගේ ජීවිතේට යමක් දෙන්නයි..එක්කෙනෙක් හරි ඉවසීමේ සෙල්ලම කරලා සතුටු වුනොත් මටත් සතුටුයි,,ඒ වගේම මගේ ජීවිතය තුල මේ දේ තව තව තහවුරු කරගන්න අදහසකුත් නැතුව නෙමේ...අවසන් වශයෙන් මේ ලීවේ ඉතාම පුංචි පැතිකඩක් මගේ රැකියාවට සම්බන්ද ,, දෙවියන්ට හෝ දයිවයට දොස් නොකියා ශරීරයට  ,ආත්මයට රිදුනත් ඉවසන්න උත්සහා කරන්න.. ඒකට කරන්න පුළුවන් දේ හරි විශාලයි ,,මන් අද ගොඩක් සතුටින් ,, 
                                                         ස්තුතියි --------
                                            

ලිබියානු ක්‍රමයට වට්ටක්කා ඉස්ටු 28

වටිනා සුපසාස්තර පාඩම් මාලාවේ දෙවැන්න

            
*අවශ්‍ය ද්‍රවය 

1 .අගලේ සයිස් එකට කැපු චිකන් කිලෝ 1 ක්
2 .ලොකු B ළුණු ග්‍රෑම් 250 ක් ,(රවුම් ලෙස ලොකුවට කැපු)
3. අමු මිරිස්
4.ගම්මිරිස්

5.විනාකිරි
6 .කහ
7 .කුරුදු පොතු
8.කරපිංචා ,රම්පෙ අනන්මනම්
9. වට්ටක්කා ග්‍රෑම් 250 අගලේ අගලේ කොටු කැපු
10.බටර් හෝ තෙල් වර්ගයක්

*පිළියෙළ කරගන්නා ආකාරය


                         මුලින්ම බදුනක් ලිප තබා එයට තෙල් හෝ බටර් එක් කරන්න ,, තෙල් මේස හැදි 6 ක් ඉන්පසු එය රත් වෙනවිට අබ ,ලුණු, දිග අතට පලාගත් අමුමිරිස් කරල් 7 ,8 කරපිංචා ,කුරුදු පොතු සියල්ල එක්කරන්න ,,ඉන්පසු තරමක් බැදුණු පසු එයටචිකන් එකතු කරන්න ,,ඉන්පසු කහ මේස හැන්දක්.. එකතු කරන්න ,අවශය තරම් ලුණු දමන්න ,, හොදින් කලවම් කර ගින්දර අඩු කර බදුන වසා විනාඩි 8 ක් පමණ පිස ගන්න. 
                             ඉන්පසු එයට වට්ටක්කා එකතු කර වතුර කෝප්ප බාගයක් දමා නැවත පිසගන්න ,,ඉන්පසු හෙන සුවදක් එනවිට  විනාකිරි මේස හැදි 3 ක් දමා ගින්දර අඩුකර මදක් පිසගන්න ..වට්ටක්කා හොදින් තැම්බූන පසු ලිපෙන් බාන්න,, ඔබ වට්ටක්කා කන්න අකමැති නම් ...නොදා ඉන්න ..

අවවාදයයි ,,, ඔබ අහාරයට ගෙන ඉතිරිවන කොටස් අහිංසක සත්තුන්ට දෙන්න එපා ,, අසමෝදගම් නිතර ලග තබාගන්න 

Saturday, September 7, 2013

යුදෙව් අළුත් අවුරුද්ද (රොෂ් 'හ ෂනා) 27

                                ඔන්න මන් පටන් ගන්න යන්නේ ඊශ්‍රායලය ගැන ලියන්න ,,,මන් විශ්වාස කරනවා මට පුළුවන් වේවි  ලිපි කීපයක් මගින් මේ රට ගැන අහලා තිබුණ දේට වඩා සමීප අවබෝධයක් ඔයාලට ලබා දෙන්න..මොකද මන් අත්දකින හැම දේකම අපේ රටේ ක්‍රමයට ජිවන රටාවට ,සංස්කෘතියට  යනාදී වශයෙන් හැම පැත්තකින්ම වෙනස් විදියට මෙහෙදී  දකින දේ ...මගේ ඇස් වලින් දැකපු දේම ඔබට  ලියන්න  බලාපොරොත්තු වෙනවා.. .
                                                   පැය විසිහතරක් මානසික රෝගියෙක් එක්ක ඉදල මගෙත් යම් යම් මානසික සීන් තියෙනවා ,,ඒවා මගහැර ගන්නත් එක්ක මන් ලියන්නම් .,

                       දැනට ඔලුවේ කරුණු හයක්  තියෙනවා,,

  • ජෙරුසලම් සංචාරය 
  • චර්මචේද්ද්‍ය මංගල්‍ය ( පිරිමි දරුවන්ගේ අර මෙවුවා එකේ කෙලවර කපන උත්සවේකට ගියා )
  • ඇපල් i ෆෝන් ,කුඩාදරුවන්,දු දරු සම්බන්ධතා ,සදාචාරේ 
  • අළුත් අවුරුද්ද 
  • යුද්ධයේ වර්තමාන තත්වය 
  • රට ගැන හැදින්වීමක් (ඉතිහාසය,භුමිය,ආර්ථිකය,ආගමික පසුබිම )
                    
                 යුදෙව් අළුත් අවුරුද්ද (රොෂ් 'හ ෂනා)


                 සෑම වසරකම සැප්තැම්බර් මාසයේ යුදෙව්වන් ඔවුන්ගේ  අළුත් අවුරුද්ද සමරනවා.මේ අවුරුද්දත් එක්ක බැදිච්ච චාරිත්‍ර ගොඩක් තියෙනවා,,4 වෙනිදා සන්ද්‍යාවේ තමයි අවුරුද්ද ලැබුවේ අවසන් වුනේ අද 6 වෙනිදා සන්ද්‍යාවේ..
                     ඔබට යමක් කියන්න ඕනේ ඔවුන්ගේ කැලැන්ඩරය ගැන ,අපිටත් අළුත් කැලැන්ඩරයක් හම්බුණා ගිය සතියේ ,,මෙයාලගේ කැලැන්ඩරය පටන් ගන්නේ සැප්තැම්බර් වලින් ඉවරවෙන්නේ අගෝස්තු වලින් ,,දෙසැම්බර් 31 යුදෙව්වන්ට වැදගත් නැහැ,ඔවුන් මාස ගනින්නේ ජනවාරි ,පෙබරවාරි ලෙස නෙමේ ,, පලවෙනි මාසේ විදියට ගන්නේ මාර්තු/අප්‍රියල් ,,දෙවැනි මාසේ අප්‍රියල්/මැයි ඔය විදියට තමයි 12 යන්නේ ,, ඒවාට විශේෂ නම් තිබෙනවා,, 
                         සැප්තැම්බර් මාසයේ මුල සමරන මේ අළුත් අවුරුද්ද ඔවුන් මුළු වර්ෂයේම උතුම්ම දිනය ලෙස ඉහලින් සමරනවා,,එයට හේතුව සර්වබලධාරී දෙවියන්වහන්සේ ප්‍රථම මිනිසා සහ ගැහැණිය ලෙස ආදම්ව සහ ඒවා  ව මවපු දිනය ලෙස එම දිනය සළකන නිසයි..මුලිකම අයිතිහාසික පදනම ඒකයි..
                                   ඒ වගේම පළමු දිනයේ රාත්‍රියේ බැටළුවෙක්ගේ අන් වලින් සාදා ගත් හොරණෑවක් පවුල්වල් පිරිමි අය පිබිනවා,,කුඩා දරුවන් පවා සම්බන්ද වෙනවා,,මෙය ඔවුන් කරන්නේ මෝසෙස් හරහා දෙවියන් වහන්සේ ඔවුන්ට දුන්නාවූ අණක් ඉටු කිරීම උදෙසායි,, ශුද්ධ බයිබලයේ ලෙවී කතාව පොතේ 23; 23-26 දක්වා පද වල සදහන්ව තිබෙනවා සැප්තැම්බර් මාසයේ පළමු දින හොරණෑවක් පිබින්න කියලා..

බැටළුවෙක්ගේ අගක් උපයෝගී කරගෙන හොරණෑව පිබිම මගින් සංකේතවත් වන්නේ යුදෙව් ඉතිහාසයේ සුවිශේෂී මතකයක් වන ආබ්‍රහම් විසින් මොරියා කන්දේදී කළාවූ පුජාවයි.. ඒ ගැන ශුද්ධ බයිබලයේ උත්පත්ති පොතේ සදහන් වෙනවා (අවශ්‍ය ය වෙතොත් මන් පද ලබා දෙන්නම් ) මේ වසරේ යුදෙවුවන් සැමරුවේ 5774 වෙනි අවුරුද්දයි ,,මේවා අපේ ක්‍රමයන්ට වෙනස් වුවත් ඔවුන්ගේ ඇදහිල්ල ,විශ්වාසය එයයි.. 
                              






පැය 48 ක් ඔවුන් අවුරුද්ද සමරනවා ..ඒ කාලය පුරාම මන් දැකපු දේවල් ලියන්නම් ඔබට වැදගත් වේවි.
                අපි නැකතට ලිප ගිණි මොලෝනවා , කිරිබත් කනවා ,වැඩ අල්ලනවා වගේ චාරිත්‍ර වාරිත්‍ර ඉටුකරනවා .. ඒ වගේ මොවුන්ටත් නිශ්චිත වේලාවන් තියෙනවා අළුත් අවුරුද්ද නැති නම් "රොෂා ෂනා" එකේදී  ඔවුන් ඔරලෝසුවත් එක්ක නෙමේ වෙලාව හදන් ඉන්නේ අවුරුදු චාරිත්‍ර එකිනෙක පවුල් අනුව කැමති වෙලාවට කරන්නේ ගෙදර ගැහැණු අය කෑම හදනවා දවල් ඉදලා ,, ඊට පස්සේ ඉර බැහැලා ගියාට පස්සේ අවුරුද්ද පටන් ගන්නවා.. 

රෑ 7 .30 වගේ වෙද්දී පවුලේ වැඩිහිටි අය දෙවියන් යදිනවා ,,ඔවුන්ට ඒ වෙනුවෙන් විශේෂිත පොතක් තිබෙනවා.. රොෂා ෂනා වෙනුවෙන් තියෙන පොතේ අදාලා කොටස් පැයක් විතර කියවනවා මාරුවෙන් මාරුවට ශබ්දනගමින් හැමකෙනාම ඒ අවසානයේ පිරිමි අය අර හොරණෑව පිම්බා,,( මාත් පිබලා බැලුවා අනේ අම්මේ ඒකත් හක්ගෙඩිය වගේ හරි අමාරුයි පිබගන්න) 
(යුදෙවුවන්ට ඔවුන්ගේ හැම ආගමික වශයෙන් වැදගත් දිනයක් සදහාම විශේෂිත පොතක් තිබෙනවා හැම ගෙදරකම තිබෙනවා උදා: සබත් ,,යොම් කිපුර් ,හනුක්හා,පේසක් ඔය ආදී වශයෙන් මේ පොත් සහ උත්සව ගැන මන් ඉදිරියේදී ලියන්නම් ඒවත් ලග එනවා කිවුවා  )        ඊට පසේ තමයි හොදම හරිය තියෙන්නේ 
                           
ලහ්මනියා ලෙස හදුන්වන පාන් ( තල තියෙන්නේ උඩ)

                             පවුලේ දරුවන් ,මුණුබුරන් ,හැම කෙනාට ඉදගන්න පුළුවන් වෙන්න මේස දෙකක් එකතු කරලා ලොකූ මේසයක් ලෑස්ති කළා.. සීයා තමයි ප්‍රධාන පුටුවේ ඉදගන්නේ මන් එයාලගම පුටුවේ ඔක්කොම 18 ක් හිටියා මුලින්ම මේසෙ තියලා තිබ්බේ ඔවුන් ගොඩක් උසස් ශුද්ධ ආහාරයක් ලෙස සළකන ලොකු පාන් ගෙඩි දෙකයි(ලහ්මනියා ) , මිදී යුෂ බෝතලයයි මිදී වක්කරන අලංකාර කප් එකයි සහ (අර පල්ලි වල ස්වාමිවරු පාවිච්චි කරන්නේ අන්න ඒ වගේ ) ඇපල් ගෙඩි 20 ක් විතර තීරු තීරු කපලා දාපු බදුනකුයි, පිරිසිදු මී පැණි පුරෝපු බදුනකුයි.. 


ඊට පස්සේ සීයා පොතේ වාක්‍ය වගයක් කියෙවුවා ,, මට මෙලෝ දෙයක් තේරුනේ නැහැ ඔවුන් තැනින් තැන ආමෙන් කිවුවා,, ඊට පස්සේ දෙවියන්ට ස්තුති කරලා මුලින්ම මිදියුස වක් කරලා නැවත යාතිකා කළා ඉන්පසු හැමකෙනාම ඒ කප් එකෙන් බීවා,,ඉන් පසු පාන් ගෙඩි දෙක එක උඩ එක තියලා යාඤ කරන ගමන් පිහියෙන් උඩ පාන් ගෙඩිය දෙකට කැපුවා ඊට පස්සේ පාන් කෑල්ලක් ලුණු කුඩු බැදුනේ ගාලා සීයා කොටසක් කාලා ඉතුරු ටික ඔක්කොම කෑලි කෑලි කඩලා හැමෝටම දුන්නා.. හැමෝම කෑවා,,


මේ අතර බීම බෝතල් වර්ග ගොඩක් මේසේ පුරාම තිබ්බා කෑම වර්ග ගොඩාක් තිබ්බා,,සලාද වර්ග 7 ක් තිබ්බා ,,තව මන් නම නොදන්නා කෑම වර්ග ගොඩක් තිබ්බා.. ඒ හැම එකක්ම කුඩා කුඩා දීසි වල දාලා එක වර්ගෙකින් එක ගානේ අර හැමෝටම ආහාර වර්ග ඔක්කොම ලැබෙන විදියට ඒ වගේම අර ෆොටෝ එකේ තියෙන ජාතියේ පාන් රාත්තල් තව කීපෙකුත් තිබ්බා ,,,,කෑම කද්දී මේ රටේ කිසිම කෙනෙක් ,,හිගන්නෙක් වත් අතින් කන්නේ නැහැ,, හැදී ගෑරුප්පු පමණයි.
                                 










 ඊළගට ආපහු යාඤ කරලා   සීයා අර ඇපල් කෑල්ලක් අරන් මී පැණි වල ගිල්වල කෑවා,, මාත් කෑවා අම්මේ රසයි ..හැමදෙනාම ඒක කළා දෙවියන්ට ස්තුති කළා,, ලාවට ඉංග්‍රීසි දන්නා මුනුබුරෙක් ඉන්නවා සීයට කොල්ලා තමයි මට හිටපු පිහිට ඔක්කොම විස්තර අහගන්න (කොල්ලා කිවුවට බැදලා ළමයි 4 ක් ඉන්නවා) එයා  කිවුවේ ඇපල් මීපැණි සමග කන එකෙන් ඔවුන් බලාපොරොත්තු වන්නේ ලබන වසර සදහා ආශිර්වාදයයි ,,, ඇපල් වලින් සංඛේතවත් කරන්නේ නිරෝගී කම සහ සුවය , මී පැණි වලින් මිහිරි යහපත්  නව වසරක්  එසේම පාන් වලින් එකමුතු කම සහ බැදීම (පන්ගුකාරකම)

                                ඊලගට තරමක් ලොකු තසිමක් ගෙනාව එළවලු ගොඩක් එකට උයපු,, ඒ තසිමේ තිබ්බා එළවලු සහ හරක් මස්,,ඒ සමානවම එළවලු ,මස් බෙදපු තාසිම් තුනක් මේසේ තැනින් තැන තිබ්බා .. මේක යුදෙව් අවුරුදු චාරිත්‍රයක් ඊට පස්සේ ආයෙමත් විනාඩි පහක් විතර හැමෝම ගීතිකාවක් කිවුවා ,,ආපහු යාඤ කළා, ඊට පස්සේ හැම කෙනාම ගෑරුප්පු අතට ගත්තා,, සීයා නම් කරන එලවලුවෙන් කොටසක් හැමෝම අරන් කනවා ,,මාත් කෑවා,, මෙලෝ රහක් නැහැ ,නිකන් තම්බලා ඔක්කොම එකට 


  • මෑකරල් 
  • සැල්දිරිකොල
  • ලීක්ස්
  • වට්ටක්කා 
  • කැරට්
  • හරක් මස් 
                               මේ හැම දෙයක්ම ඔවුන් හැමෝම කාවා ,,කන වාරයක් ගානේ දෙවියන්ට ස්තුති කළා ,, ඒ වගේම කිවුවා "මේ හැම ආහාරයක්ම අපට ලබන වසරේ මීට වඩා ලැබෙන්න සහ සියලු ඊශ්‍රායෙල් ජාතිකයෙක්ටමත් ලබන වසර කෑමෙන් බීමෙන් ආශීර්වාදයෙන් පිරී ඉතිරෙන්න ඕනේ දෙවියන්ගේ කරුණාවෙන් කියලා.. එතනින් චාරිත්‍ර කොටස .ආගමික කොටස ඉවරයි ,,ඔවුන් ඒ ගෙනාපු එළවලු පිරිච්ච බදුනට කිවුවේ බ්‍රක්හොත් කියලා.
                        අනේ අම්මේ ඊට පස්සේ තමයි හොදම හරිය,, පාන් කෑවා අර සැල්ඩ් වර්ග එක්ක ,ඊට පස්සේ මාළු ලොකු පෙති කපපුවා ,,හැම කෙනාටම පිගාන ගානේ අගලක් උසට පිගානම පිරෙන තරම් මාළු කෑල්ල,, විනාඩියෙන් දෙකෙන් ඒකත් එයාලා කෑවා,,මිරිස් පොඩ්ඩක් වත් නැහැ,, පැණිරස මිරිස් වර්ගයක් දාන්නේ ,,රතුපාට විතරයි,, ඊට පස්සේ කුකුල්මස් පෙති බැදපුවා සහ කුකුලා පිටින් අවන් එකේ දාපුවා තසිම් කීපයක් මේසෙට ගෙනාවා ,, ඒඅතර අර කලින් කාපු පිගන් වෙන කෙනෙක් ඇවිත් එකතු කරන් යනවා,, අළුත් පිගන් දෙනවා හැමෝටම ,,හරක් මස් අබරපුවා වඩේ වගේ බෝල හදලා බැදපුවා, හරක් මස් ලොකු කෑලි පිටින් උයපුවා.. 

බැටළුවෙක්ගේ ලොකු කකුලක් පිටින් රෝස් කරලා , සහ තව අමුතු කෑමක් තිබ්බා ,, ඒකට කියන්නේ "කුස් කුස්" ඒක හදන හැටිත් මන් කනගමන් අහගත්තා 
කෙනෙක්ගෙන් ගොළු භාශාවෙන් (මෙරටේ ගොඩක් අය ඉංග්‍රීසි දන්නේ නැහැ ගොඩක් සල්ලි තිබ්බට , හොද ලොකු ජොබ් කලාට එයාලා ඉංග්‍රීසි දන්නේ නැහැ වැඩිය,, මේ රටේ හැමදේම තියෙන්නේ හිබ්රු භාෂාවෙන්,,හෑන්ඩ් ෆෝන් වල , ලැප්ටොප් වල තියෙන්නේ හිබ්රු,, ඉංග්‍රීසි එයාලා ගණන් ගන්නේ නැහැ,, ඔවුන්ට ඉංග්‍රීසි වල වැදගත් කමක් නැහැ,, ඒ ගැන මන් විස්තරාත්මකව පස්සේ ලියන්නම් )
පිට්ටු වගේ හදන්නේ පිට්ටු වලට වඩා පොඩි ඇට ඇට වගේ කහ පාටට ඒක කන්නේ අර්තාපල්,කැරට්, කුකුල් මස් වගේ දේවල් එක්ක කලවමට බත් වගේම තමයි ආ තව කුස් කුස් වලට තම්බපු කඩල කලවම් කරලා තිබ්බා..ඒ අතර අන්තිමට බත් ගෙනාව සුදු පාටට උයපුවයි ,, රටකජු ,කඩල, ආමන්ඩ්, ඇට එකතු කරපුවයි ,,, ඒ අතර බීම වර්ග හැම එකම ,, 
                                            

  හැබැයි මේ දවස් දෙකේ එක දවසකවත් කිසිම කෙනෙක් අරක්කු බිවුවේ නැහැ,, සිගරැට් නම් බිවුවා හැම කෙනාම වගේ,, අපි කෑම කන අතර අපිට කෑම වර්ග ගේන ගැහැණු අය හැමෝම සිගරැට් බිවුවා,, නැන්දම්මා ,, ලේලි,, එකට බොනවා ඒක අපි වතුර වීදුරුවක් බොනවා වගේ ඉතාම සරල දෙයක්,, අර දරුවෝ හතර දෙනෙක් ඉන්න කොල්ලගේ වයිෆ් තමයි පවුලේ භක්තිමත්ම ගැහැණු කෙනා ,, එයා තමයි වැඩියෙන් සිගරැට් බිවුවේ ,, පොඩි දරුවා අතේ තියන් කිරිපොවනවා සිගරැට් එක බොන ගමන් ,, මෙයාලගේ සංස්කෘතිය ගැන , දුදරු සබදතා ගැන වෙනම ලියන්නම් 
                                       මන් ජීවිතේට දැකපු කෑම වලට ගිජුම මිනිස්සු ඉන්නේ ඊශ්‍රායලයේ ,, බය නැතුව කියන්නේ,, ඔවුන් කාපු තරම් මට හිතාගන්න බැහැ,,මාත් සාමාන්‍යයෙන් හොදට කන කෙනෙක් එත් මේ වගේ නම් කනවා දැකලා නැහැ,, පුංචි ළමයි පවා එහෙමයි..මෙහෙම පැයක් එකහමාරක් වගේ කෑවා.. ඊට පස්සේ මේසේ අස්පස් කළා ඉක්මනට,, අතුරු කතා ගොඩයි ඒවා පසුව ,, ආපහු අර පොත අරන් දෙවියන්ට ස්තුති කළා ,, ගීතිකා කීවා,, ඊට පස්සේ ආපහු පලතුරු වර්ග ගොඩක් පුරවපු පිගානක් ගෙනාව ,,ඒකෙ බාගෙට ඉදිච්ච රට ඉදි තිබ්බා ,, ඒ හැම එකක්ම කමින් දෙවියන්ට ස්තුතී කළා..පලතුරු කාලා ටිකකින් විවිද ඇට වර්ග පුරෝපු පිගන් මේසෙට ගෙනාව ,, හරිම රසයි ඒවා,, මන් දන්නා එකකට තිබ්බේ ආමන්ඩ් විතරයි,, අච්චර ජාති කාලා හිටපු අය අර පලතුරුත් කාලා ඇට වර්ගත් කෑවා,, මේවට කියන්නේ ඕපාදුප ඇටලු..
                                                  

ඕපාදුප ඇට කකා ඉන්න අතර ලොකු කේක් එකක් ගෙනාවා ,,ඕකත් කෑවා ,, ඊට පස්සේ කෝපි අවශ්‍ය අයට කෝපි,, සහ තේ අවශ්‍ය අයට තේ වශයෙන් ගෙනත් දුන්නා,, ඒ අතර හරිම ලස්සන දෙයක් වුනා,, මට ලංකාව මතක් වුණා එතකොට..අවුරුද්දට එකිනෙකා තෑගී හුවමාරු කරගත්තා,, ඇදුම් තමයි හැමෝම දුන්නේ , තව පොඩි අයට සෙල්ලම් බඩු,, චොක්ලට් පිරිච්ච චොක්ලට් පාර්සල්...මටත් හම්බුනා තෑගි ගොඩක්..,, ඔහොම අන්තිමට රෑ 11 විතර වුනාට පස්සේ දරුවෝ ඔක්කොම ගෙවල් වලට ගියා..ඒ පලවෙනි දවස ,, 
                                       දෙවැනි දවසේ උදේ හතේ ඉදලා  අට හමාර විතර වෙනකල් පිරිමි අය අර පොත පෙරලගෙන යාඤ කළා,, හිටගෙනයාඤ කරන ගමන් ඔවුන් සමහර වෙලාවට වේගෙන් ඉස්සරහට පස්සට වැනෙනවා ,, මට හිනා යන්නත් ආවා.. ඔක්කොම හොරෙන් බලා හිටියේ,,දවල් වුනාට පස්සේ කලින් දවසේ විදියටම අර කෑම වර්ගම ඒ විදියට කෑවා ...ආපහු එදා රෑත් කලින් දවසේ විදියටම එදාට වඩා ජයට මේසේ ලැස්ති කළා .. කලින් දවසේ වගේම ඇපල් ,මී පැණි ,,, එළවලු වර්ග ටික  යාඤ කරලා කෑවා දෙළුම් ඇට තමයි දෙවනි දවසේ වැඩිපුර දේට තිබ්බේ,,, එදත් රෑ වෙනකල් හැමජාතියම කෑවා,, මන් කෙනෙක්ගෙන් ඇහුවා ඇයි මෙච්චර කන්නේ.. ඔයාලා කියලා,,එයා හරි පුදුම දෙයක් කීවා...අපි හැම කෑමක්ම කන්නේ සේවියන්ට භාර කරලා සහ කන කෑමක් ගානේ ඒ ආහාරයට ආශිර්වාද කරලා ,,අපි කන තරමට අපි වගේම අපේ දේශය ආශීර්වාද ලබනවා.අපිට කන්න තියෙනවා ඕනේ තරම් අපි කන දේවල් මොකුත් අපිට අගුණ වෙන්නේ නැහැ .. (මට මතකයි ඒ සම්බන්ධ බයිබලේ සදහන් වෙලා තිබ්බා ,,අපේ රටේ කතෝලික සහ ක්‍රිස්තියානි සභා වල අයත් මේ දේ කලයුතුයි ඔවුන්ගේ බයිබලයේ හැටියට ) හැම අවුරුද්දකම මේ රටේ එළවලු පලතුරු නිෂ්පාදනය ඉහල යනවා,, ඒ දේවල් ගැනත් මන් ඉදිරියේදී ලියන්නම් විස්තරාත්මකව ..
                                         හැම පිරිමි කෙනෙක්ම කෑම මෙසේ වාඩිවෙන්න කලින් "කිපාව" කියලා හදුන්වන පොඩි තොප්පියක් දාගන්න ඕනේ,,අපේ රටේ මුස්ලිම් අය දාන එකට වඩා පොඩි එකක් .. ඒ වගේම යුදෙව්වන් තමන්ගේ හැම ආගමික උත්සවෙකදිම ,,මිදියුෂ සහ ලහ්මනියා (පාන්) පාවිච්චි කරනවමයි .. මතකයි ශුද්ධ බයිබලේ තිබුනා පදයක් "නුබලා රැස්වෙන හැමවිටම මා සිහිකරන පිණිස මාගේ ශරීරය අඩයාලම් වනලෙස රොටී කැඩීමද ,, මාගේ රුධිරය ලෙස මිදියුෂද පානය කරපල්ලා " කියා..

                                           මෙසේ දින දෙකක් හොරණෑ පිබිමෙන් ,දෙවියන් යැදීමෙන් ,ආහාර අනුභව කරමින් ඔවුන් අළුත් අවුරුද්ද සැමරුවා..එහෙදි මන් දැකපු දෙයක් මේ රටෙත් අළුත් පරම්පරාව චාරිත්‍ර වාරිත්‍ර වලින් ගොඩක් ඈතයි,, සීයාගේ පරම්පරාවෙන් පහල ය ,,එයාගේ දරුවෝ ( අවුරුදු 73,69,57,54,51) පවා මේ දේවල් කරන්න මැලිකමක් පෙන්නුවා ,,සීයාට බයට තමයි ගොඩක් දේ කලේ ,,  නමුත් දෙවියන්ට කියලා තමයි හැම දෙනාම කෑම කෑවේ..අළුත් අවුරුද්ද ඉවර වුනාට එත් එක්කම තව උත්සවයක් පටන් ගන්නවා අවුරුද්ද පටන් ගත්දා ඉදල දවස් දහයකට පස්සේ... ඒ ගැන ලියන්නම් ලබන සතියේ ඒකත් ගොඩක් වැදගත් දවසක් යුදෙව්වන්ට ,,,හ්ම්ම් 
                  
                                   මේ පිළිබදව විද්වතුන් පොත පත ලියලා ඇති..මන් ඔබට ලියුවේ  මගේ ඇස් වලින් දැකපු ඔවුන්ගේ අළුත් අවුරුද්ද සහ යන්තම් ඉංග්‍රීසි කතා කරගන්න පුළුවන් අයගෙන් අහලා දැනගත්ත කරුණු.. තව දෙයක් කියන්න ඕනේ ,, මේරටේ ගොඩක් සිංහල ය වැඩ කරනවා.. 15  දාහක් විතර මන් අද උදේ ඉදන් හය දෙනෙක්ගෙන් ඇහුවා කෝල් කරලා යම් දෙයක් අලුතෙන් දැනගන්න නිසා ,,නමුත් ඔවුන්ගේ ප්‍රතිචාර හරිම දුක් සහිතයි,, "අනේ මන්ද නංගි අරවා මේවා කරනවා විකාර මොනාට කරනවද කවුද දන්නේ කිවුවා"එක්කෙනෙක් විතරක් ටිකක් යහපත් ප්‍රතිචාරයක් දුන්නා සමහරවිට රැකියාවන් වල කාර්යබහුලත්වය නිසා වෙන්න ඇති....
                                                         ස්තුතී කියෙවුවට ,,, 


ක්හග් සමයක්හ් කුලම් ,,,ශනා තෝව්(ස්තුතී හැමෝටම සුබ අළුත් අවුරුද්දක් )

,නිතරම යහපත කරන්න...,සතුට සැනසිල්ල හැමදාම ඔයාලග රැදේවි,,දෙවිපිහිටයි,

Related Posts Plugin for WordPress, Blogger...